Paano gumawa ng libre at sariling Radio Broadcast

Katatapos ko lang gumawa ng sariling Istasyon ng Radyo sa internet. At sa ngayon ito ay inoobserbahan ko pa kung talagang maganda ang takbo.

Kung tunay na mahilig kayo at pangarap ninyo ang ganitong teknolohiya, may mga libre pala at maraming nagtuturo sa mundo ng internet. Isang nakakatuwang libangan ang maggawa ng programa sa isang radio broadcast na pwedeng marinig kahit saan panig ng mundo basta may internet.

Ang ginamit kong mga programa ay ang listen2myradio.com, WinAmp, at Shoutcast. Sa website ng listen2myradio.com ay andun ang paraan ng pagbubuo ng isang radio broadcast.

Kaya kapag nakita ko na maayos talaga ang takbo nito ay ilalagay ko ang paraan ng paggawa ng sariling istasyon ng radyo sa internet.

Sa ngayon ay subukan natin ang Radyo na ito. Naito ang link sa aking istasyon ng radyo:

http://andresbonifacio.listen2myradio.com/

Kung talagang interesado naito ang paunang paliwanag sa english.

http://www.wavestreaming.com/solutions/how-to-start-an-internet-radio-station

Isasalin ko ito sa tagalog next time.

Paano maglagay ng ebook sa tablet

Sa panahon ngayon ay usong-uso na ang paggamit ng tablet(dati nang pina-usapan dito).

Napakaraming klase ng mga tablet at iba't-iba rin ang mga paraan ng paggamit lalo na ng pagsasalin ng mga libro o ebook na puwedeng mabasa sa tablet.

Ang pag-uusapan natin dito ay ang pangkaraniwan na paraan pero kung may rekomendasyon ang nabiling tablet ay mabuti iyon ang sundin. Ang aking paraan na suhestiyon ay generic ika nga sa mga pangkaraniwang mga tablet katulad ng Kindle Fire(na aking ginagamit) at Lenovo Idea Pad(na gamit ng aking pamangkin).

Siyempre importante ang paggamit ng USB cable sa pagitan ng tablet at kompyuter na panggagalingan ng mga librong gustong ilipat sa tablet. Kadalasan ay kasama ito sa biniling tablet.

Una ay kailangang mag-download ng mga gustong basahin na libro o ebook sa kompyuter mula sa internet. May mga suhestyon ako na puweng panggalingan ng mga libreng ebook. Marami din nabibili o may bayad na ebook pero ang pag-uusapan natin dito ay ang mga libre lang muna.

Ang mga sumusunod ang puwedeng pagkunan ng mga libreng ebook sa internet:

http://manybooks.net/

http://www.gutenberg.org/wiki/Main_Page

http://openlibrary.org/

http://archive.org/details/texts

Marami pa ang listahan pero sa ngayon ay yan lang muna para pasimula na paghahanap ng mga gustong libro na basahin sa tablet.

Pangalawa, gagamit tayo ng libreng programa sa computer para siyang mag-manage at mag-convert ng mga libro o ebook na gustong ilagay sa tablet. Kadalasan kasi ay may kanya-kanyang format ang puwede lang ilagay sa nabiling tablet. Kaya ang trabaho ng libreng programa na ito ay i-convert ang format ng nakuhang libro o ebook mula sa internet sa nararapat na format katulad ng (.epub, .mobi....). At kadalasan ang format ng nakukuhang libro o ebook sa internet ay PDF kaya kailangan itong isalin sa maayos na format para tumakbo at mabasa sa sariling tablet. Ang libreng programa na ito ay ang Calibre, na puwedeng makuha sa internet.

Naito ang link sa Calibre: http://calibre-ebook.com/   (Palagiang i-scan ang mga idina-download na mga programa mula sa internet bago ito patakbuhin.) Pindutin lamang ang download at tuloy-tuloy na iyon para sa maayos na paglalagay sa inyong kompyuter.

At naito naman ang napakalinaw na paraan sa paggamit ng Calibre. Kaya lang nasusulat sa english. Marapatin na magtanong lamang kung kinakailangan. Gamitin lamang ang comments sa artikulo na ito para sakali kung may katanungan.

http://ebookconverting.com/wp-content/uploads/2011/08/How-to-Use-Calibre.pdf

Magagamit ang programa na Calibre sa paglipat ng ebook sa tablet at pagsalin sa naayon na format na gusto ng sariling tablet.

Paalaala: Palagiang maging maingat kapag nag-iikot sa internet siguraduhin na may anti-virus na tumatakbo sa computer. Siguraduhin mabuti na malinis na mga website ang pinupuntahan sa internet. At kung kinakailangan ay i-scan muna palagi ang mga bagay na kinukuha mula sa internet.

Ang mga suhestiyon na mga links at programa ay ginagamit ko rin na mula sa mga suhestiyon ng mga kilalang mga website. Katulad ng:

http://www.freewaregenius.com/2010/07/26/calibre-a-single-place-to-view-tag-and-manage-your-ebook-collection/

Salamat po.

Paano maglipat ng mga litrato mula sa digital camera

Isang napakahalaga ngayon sa modernong buhay ay ang maglipat ng mga litrato mula sa digital camera at smartphone(cellphone na smart) sa kompyuter para maitago ito ng permanente o mai-print sa printer.

Sa mga bagong kompyuter o laptop, kasama na ang mga tablets, ang isang pangkaraniwan na paraan ay ang paggamit ng USB cable na kadalasan ay kasama sa pagkakabili ng digital camera.

USB cable(ito ang parte na ikinakabit sa kompyuter). Sa kabilang dulo ng kableng ito ay may  maliit na konektor na ikinakabit sa digital camera.

Kadalasan ay hindi na kailangan ang ispesyal na programa para mailipat ang mga litrato mula sa digital camera. Pero kung medyo may kalumaan ang kompyuter na ginagamit minsan ay kailangan ang ispesyal na programa.

Una, kapag ililipat na ang mga litrato mula sa digital camera ay ikabit lamang ang angkop na USB cable sa camera at sa kompyuter(sa angkop na saksakan na USB port sa kompyuter/laptop).

Pangalawa, kapag magkakabit na ang digital camera at kompyuter ay kadalasan ay may lalabas na sasabihin sa harap ng kompyuter na magsasabi kung ano ang gustong gawin. Para sa akin ay mas maganda na gamitin ang Explore mula sa pagpindot ng Start(may arrow sa litrato).

Pangatlo, kapag napindot na ang Explore ay pindutin naman ang My Computer at makikita ang kahawig sa ibaba.

Sa ilalim ng My Computer ay makikita ang ikinabit na digital camera at kapag pinindot ang litrato na may digital camera ay lalabas sa screen ng litrato ang mga mukha ng mga kinunan na litrato. Dito magagamit ang salitang drag and drop.

Pang-apat, pindutin lamang ang My Documents( katulad ng nasa litrato sa itaas) at makikita ang My Pictures. 

Panglima, i-drag and drop lamang ang mga litrato papunta sa My Pictures.

Kapag nailipat na ang mga litrato sa My Pictures ay puwede na rin na burahin ang mga litrato sa digital camera. Siguraduhin lamang na anduon na sa kompyuter ang mga litrato bago magbura sa digital camera.

Pang-anim, huwag basta tanggalin ang kable na nakakabit sa kompyuter, may pinipindot upang matanggal ng maayos ang USB cable. Kadalasan ay makikita ang anunsyo sa kompyuter na Safe To Remove the Removable Media, at kapag nakita na ito ay maayos nang tanggalin ang USB cable.

Anong Latest?

Anong latest na nga ba sa ating teknolohiya lalo na sa mga ginagamit natin sa araw-araw?

Maliban sa mga computer ay pag-uusapan din natin dito ang tungkol sa mga sumusunod. Kung ano ito at ang mga termino na kailangang malaman upang maiintindihan ang mga gamit na ito.

1. Home Theater
           - flat-panel HDTV
           - LCD, LED-LCD, Plasma HDTV
           - Audio/Video Receiver
           - Streaming
           - Smart TV
           - 3D
           - Inputs/Outputs Connection
           - Wireless HT(Home Theater)
           - Blu-Ray Disc Players

2. Digital Imaging
           - GPS-Enabled Cameras
           - Compact System Camera
           - Megapixels & Camcorder Video
           - Some new words/terms in digital imaging
           - Accessories

3. Portable Devices
           - Mobile Phones
           - Tablets
           - Mobile Broadband
           - Accessories

4. Appliances

5. Gaming, Media & more

Mga Bagong Termino sa Kompyuter

Maraming termino ang nadagdag sa mundo ng kompyuter lalo na sa pangkasalukuyan.

Makakatulong ang mga maiikling paliwanag lalo na sa mga baguhan sa kompyuter at para sa mga taong nag-aaral at mga may balak na bumili ng bagong computer.

Broadband - Ito ang isang kailangan ng isang kompyuter upang makakonekta sa internet. Isang koneksyon ito sa network lalo na sa internet na nagbibigay ng mabilis na koneksyon(high-speed). Kadalasan ito ay nagmumula sa binabayaran natin na tinatawag na mga internet provider. Kadalasan na rin natin na maririnig ang termino na DSL(Digital Subscriber Line) kapag pinag-uusapan ang koneksyon ng komputer sa internet. Ang pinag-uusapan na bilis dito ay kadalasang 3 hanggang 8 Mbps(Mega bits per second).

DSL(Digital Subscriber Line) - Isang teknolohiya ito ng komunikasyon upang makakonekta ng mabilis ang komputer na dumadaan sa telepono sa bahay. Ang teknolohiya na ito ay isang paraan upang magkaroon ng tuloy-tuloy na koneksyon ng komputer sa mundo ng internet na hindi naabala ang normal na paggamit sa telepono.

Bluetooth - Isang teknolohiya na napapailalim sa wireless na kung saan puwedeng makakonekta ang mga elektronikong gamit katulad ng kompyuter, printer, digital camera, cellphone, at marami pang iba ngunit sa malapitan lamang(short-range).

HDMI(High-definition multimedia interface) - Parte ng mga bagong kompyuter ito na kung saan puwedeng maikabit ang komputer sa isang HD(high-definition) na isang monitor o display at kadalasan ito sa mga bagong telebisyon na tinatawag na HDTV(mga flat TV kadalasa ang mga ito). Kapag ginamit ito sa pamamagitan ng espesyal na kable na tinatawag na HDMI cable ay naipapadala ng kompyuter sa telebisyon(HD) ang video at audio.

Ethernet - Isang teknolohiya na tinatawag sa ilalim ng Local Area Network(LAN) na kung saan ang isang kompyuter ay puwedeng makonekta sa malaking network na gumagamit ng isang kable(LAN cable).

RAM(Ramdom Access Memory) - Isang klase ito ng memory sa loob ng kompyuter na ginagamit na di-permanenteng taguan ng mga datos o files sa pagitan ng CPU at mga hardware. Dito sinasabi na kung malaki ang RAM ay magiging mabilis din ang takbo ng mga ginagawa sa loob ng computer. Kadalasan ay pinag-uusapan ito sa sukat na 2GB(Gigabytes) sa pangkaraniwang kompyuter sa pangkasalukuyan.

Itutuloy po....

Ano ang USB(Universal Serial Bus) Flash Drive

Makikita sa litrato sa ibaba ang iba't-ibang klase ng mga USB Flash Drive, USB cable, at USB port(ang suksukan sa mga kompyuter).

Ang USB(Universal Serial Bus sa English) ay isang napagkasunduang standard noong 1990 para sa mga kable, konektor, at protokol na ginagamit sa pag-konekta, komunikasyon at pagbigay ng koryente sa pagitan ng mga kompyuter at iba-ibang elektronikong mga gamit.

Sa madaling salita lahat na makikita ninyo na may ganitong pang-konekta sa mga kompyuter at ibang elektronikong gamit at tinatawag na isang USB cable/konektor.

Paano magbukas at mag-save ng mga dokumento, musika, video, at litrato sa kompyuter

Para sa mga baguhan sa paggamit ng kompyuter ay napakahalaga na matutunan ang kung paano maglagay o magtago ng mga dokumento at litrato sa loob ng kompyuter. At kasabay na rin ang matutunan ang pagbubukas ng mga ito.

Ang mga files sa loob ng computer ay parang isang steel cabinet din sa bahay o sa opisina. Na kung saan ay may laman itong mga folders upang maging maayos ang pagkakatago ng mga dokumento o anuman mga importanteng papeles.

Pagdating ng Panahon Hi-tech na Bakasyon

Isipin lang natin na dahil sa bilis ng teknolohiya ay baka abutin pa natin ang ganitong klase ng pagbibiyahe sa ating buhay.

Kaya ang masasabi ko lang sa ngayon ay talagang mabuti na ang mag-aral tayo ng mga paggamit lalo na nang kompyuter.

Talagang sa totoo lang sa ngayon ay umiikot ang mga transactions sa loob ng internet. Halimbawa na lamang ang mga pagbabayad ng mga resibo sa koryente, tubig, telepono, tiket sa eroplano, at marami pang iba.

Halos lahat naman ng makabagong teknolohiya ay umiikot sa mundo ng pangkaraniwang kompyuter kaya patuloy lang tayo sa ating pagbabasa at pag-aaral katulad ng mga itinuturo dito.

Ano ang Internet

Ang internet ay isang sistema na ginagamit nang buong mundo upang mapagkonekta ang mga kompyuter o grupo ng mga kompyuter na dumadaan sa iba't-ibang klase ng telekomunikasyon katulad ng linya o kable ng telepono, satellites, at ibang komunikasyon na hindi gumagamit ng kable(wireless) na kung saan ang mga iba't-ibang impormasyon ay mapaparating at mababasa ng publiko.

Ano ba ang tablet computer

Dahil sa sobrang bilis ng mga pagbabago sa teknolohiya ng mga kompyuter. Ating pag-usapan ng maiikli lamang muna ang tinatawag na tablet computer.


Kung sa Pinoy ang tawag sa toothpaste ay Colgate sa ngayon ang tawag naman sa tablet computer ay IPAD(kahit napakaraming klase ng tablet computer).


Sa ating pag-aaral sa paggamit ng pangkaraniwang kompyuter(desktop o laptop). Ang paggamit ng tablet computer ay magiging mabilis na lamang. Ang isang napakagandang aspeto ng tablet computer ay ang tinatawag na touchscreen(kung saan puro pindot lang ng daliri ang ginagamit, wala ng mouse).

Ano ba ang PC

Ang PC ay nagmula sa mga salitang personal computer. Ito yung mga kompyuter na ginagamit lamang na pansarili lalo na sa mga sariling bahay. Wala pang laptop noong araw kaya masasabing ang laptop ay isang PC rin dahil ang nagagawa ng isang laptop ay pareho rin ng isang PC. Ngunit nagkaroon na ng kani-kanilang pangalan ang mga PC, puwede na itong tawagin na desktop o laptop.

Paglabas o pagsasara sa nakabukas na window o programa

Sa isang baguhan sa paggamit ng mga programa ng kompyuter ay napakahalagang matutunan ang paglabas o pagsasara ng mga windows o programa na tapos ng gamitin.

Pero siguraduhin lang kung may mahalagang isinulat o dokumento na gustong itago sa loob ng kompyuter na i-save ang ginawa.(Ituturo ito sa susunod na mga leksyon).

Kung wala namang kailangan na i-save o itago sa loob ng komputer at kadalasan ay nagbasa lang sa internet ay ganito ang paglabas o pagsasara ng isang window o programa na nakabukas.

Paano gamitin ang kompyuter keyboard

Kung nakagamit kayo ng isang typewriter noong araw halos pareho lang ang paggamit ng keyboard ng kompyuter.

Mas mainam na pag-aralan ang paggamit sa pamamagitan ng pagtipa at pagsusulat upang madiskubre ang mga gamit ng bawat partes.

Naito ang mukha ng isang pangkaraniwang kompyuter keyboard.

Ang paggamit ng 'how to'

Napakahalaga ng salitang 'how to' sa paghahanap sa internet na mga gustong mabasa o matutunan.

Paano gamitin ang kompyuter mouse

Halos lahat ng kompyuter na gumagamit ng mouse ay may nakikitang gumagalaw na parang sibat(curser) sa screen ng monitor. Kapag ginagalaw ang mouse ay gumagalaw din ang parang sibat. Kapag naandun na ang parang sibat sa gustong lugar ay pindutin lang sa pamamagitan ng nasa kaliwang bahagi ng mouse at lalabas na sa monitor ang nais na makita o mabasa.

URL - Isang paraan ng panghanap ng kailangan sa internet

Ang URL ay Uniform Resource Locator.

Sobrang malawak ang internet at ang paggamit ng URL ang isang napagkasunduan na paraan upang maging maayos ang lahat ng nasusulat sa loob ng internet.

Paano tuturuan si Tatay at Nanay sa paggamit ng kompyuter(isang panimula)

Sa aking idad na 55 ay dahan-dahan ko rin na napag-aralan ang mga pasikot-sikot sa mundo ng paggamit ng pangkaraniwang kompyuter. Kahit papaano ay naging mabilis sa akin ang pagsasaliksik dahil nakagamit ako ng kompyuter sa dati kong opisina.

Naisip ko ang mga iba kong maiidad na kaopisina. Halos ayaw na ayaw nilang humawak ng kompyuter at inaasa na lang sa kanilang mga tauhan. Ang naisip ko ay may takot sila sa paggamit ng makabagong teknolohiya at lagi na lang sinasabi na nakakaraos naman sila sa buhay kahit walang kompyuter.

Pagtuturo ng Kompyuter

Inaayos pa po ang mga aralin ng kompyuter sa salitang Tagalog.

Pansamantala naito ang isang halimbawa kung bakit kailangan matuto o turuan ang Tatay at Nanay o ang Lolo at Lola ng paggamit ng kompyuter.




Mga leksyon na susunod:

1. Paano gamitin ang keyboard.
2. Paano ayusin ang mga files sa kompyuter.
3. Paano mag hanap ng maayos sa internet.
4. Paano maglagay ng mga litrato sa kompyuter.
5. Paano maggawa at mag print sa ginawa sa Word.
6. Paano tumatakbo ang kompyuter.
7. Paano gamitin ang Excel.
8. Paano gumamit ng email.
9. Paano maging ligtas sa mga virus sa paggamit ng internet.

Palaala: Hindi ko na ituturo ang pagbukas at pag-shutdown(pagpatay) ng inyong kompyuter, siguro naman kahit papaano ay inyong alam na iyon at malamang ay naitanong na ninyo sa inyong mga kasama sa bahay.


Maiikling kuwento sa pinagmulan ng kompyuter:

Noong nagsimula ang kompyuter, ang mga ito ay desenyo lamang upang gamitin ng mga militar sa kanilang operasyon. Pero ngayon ay nagagamit ito sa halos napakaraming bagay lalo na sa mga kanya-kanyang bahay.

1950 - Ito ang taon na nagpasimula ang kumpanyang IBM sa paggawa ng mga kompyuter.

1960 - Ito ang taon na nasimulan ang ideya na pagkonektahin ang mga kompyuter sa buong mundo. Kaya dito nagsimula ang salitang internet.


Magbalik lang po. Salamat!